Pazo de Vistalegre
Mostrar/Ocultar transcripciónEste pazo foi construído no centro urbano da cidade de Vilagarcía de Arousa por orde de Rodrigo de Mendoza, abade de Teverga, no s. XVI.
Xa no s. XVII decidiuse crear unha nova construción, un convento neoclásico contiguo ao Pazo de Vista Alegre, onde viviu unha congregación de monxas agostiñas.
Así mesmo, anexo a este convento atópase o colexio das monxas filipenses “Sagrada Familia”.
As tres construcións comunícanse grazas a un arco renacentista onde podemos atopar o escudo do marqués de Vilagarcía de Arousa.
Chaman a atención as torres con ameas e as dúas chemineas, unha en forma circular e a outra rectangular.
Este pazo está declarado patrimonio histórico- artístico.