Torre de San Sadurniño

Descripción

Perduran só uns restos cunha sillería ben labrada. A súa construción remóntase aos tempos do arzobispo compostelán Xelmírez (principios do s. XII) e o seu obxectivo era a defensa das costas de Galicia das incursións normandas e de outros poboados invasores. Emprázase nun illote próximo á costa, frente á vila de Cambados.

Contan que a illa onde se ubica a Torre de San Sadurniño, foi feita polos mouros botando terra que acarrexaban en carros enriba das pedras que había no mar, facendo a ponte para chegar á muralla con cunchas.

Dicían que a torre tiña un Santo que se chamaba San Saturnin, de ahí o nome, e que nela había un rei mouro que tiña potestade para queimar as persoas.

Debaixo da torre hai un pasadizo que está tapado cunha pedra, sen poder identificar cal é. Din que nese pasadizo hai ouro e pedras enterradas. Dentro da torre había unha capela, de que algúns din que estaba levantada enriba de vigas.