CAPELA DE SAN CARALAMPIO
Mostrar/Ocultar transcripciónAlgúns chámana capela das Cunchas; outros, capela de San Sebastián ou capela de San Caralampio.
Esta singular capela foi construída no s. XIX e posúe unha planta de cruz latina. Pero a súa característica máis impresionante é que se atopa cuberta totalmente por cunchas de vieira, símbolo xacobeo por excelencia.
A capela de San Caralampio está rodeada de xardíns e atópase á beira do Gran Hotel da Toxa e do seu balneario.
En tempos anteriores venerábase neste lugar a imaxe de San Sebastián, pero actualmente é a imaxe da Virxe do Carme a que ocupa o interior da capela.
Tamén se lle dá culto a San Caralampio, patrón das enfermidades da pel.