Descripción
Contan que no monte da Pastora viviron os mouros e desde o monte dirixían as manobras da Torre de San Sadurniño. Din tamén que alí hai unha cova que vai dar á illa da Toxa, pasando por baixo da Torre de San Sadurniño, e que nun pozo que hai no Serrido esa cova rompeu e alagouse de auga. É por iso que non se pode pasar por ela.
Tamén se di que en tempos o demo engáñó a Xesucristo e subiuno ao Calvario, neste caso o monte da Pastora, e mostrándolle a riqueza que se divisaba desde aquela altura díxolle a Xesucristo: "Todo o mundo che darei, menos Fefiñáns, Cambados e Santo Tomé".