Casa Museo Valle-Inclán

Descripción

Coñecida como Casa do Cuadrante (en Vilanova), alí naceu D. Ramón Mª de Valle-Inclán.

Aquí almacénanse libros, xornais e outros escritos debidamente catalogados. Consérvanse tamén os obxectos de uso persoal do escritor e da súa familia. Unha visita a esta casa axudaranos a coñecer as orixes dos "esperpentos" de Valle-Inclán.

Audioguías

MUSEO VALLE-INCLÁN

Mostrar/Ocultar transcripción

Atopámonos en Vilanova de Arousa, Villa natal do escritor Ramón María del Valle-Inclán, un influente dramaturgo, poeta e novelista da Xeración do 98. Moitas das súas obras teñen unha gran relevancia dentro da literatura española. Esta vila é tamén paso de peregrinos. Desde a súa estación marítima realízase o roteiro do Mar de AROUSA E Río Ulla, coñecido como a TRANSLATIO, roteiro marítimo fluvial que conmemora a chegada dos restos do apóstolo Santiago no seu camiño desde Xerusalén ata Compostela. Nesta travesía pódese contemplar o Vía Crucis Marítimo Fluvial, con 18 “cruceiros” situados nas beiras, que identifican esta Traslatio como a Orixe de Todos os Camiños.

MUSEO VALLE-INCLÁN

Mostrar/Ocultar transcripción

SABÍAS QUE… en 1866 naceu en Vilanova de Arousa o escritor Ramón María del Valle-Inclán?

Esta casa nobre do s. XVI pertenceu nos seus inicios ao priorado bieito de Vilanova de Arousa, logo pasou a mans da familia Peña e finalmente á familia materna de Valle-Inclán.

En 1995 rehabilítase a “Casa do Cuadrante” e inaugúrase como casa-museo do escritor.

Valle-Inclán foi un influente dramaturgo, poeta e novelista da Xeración do 98, creador do “esperpento”, novo recurso literario que aparece por primeira vez na súa novela Luces de bohemia a través dunha visión deformada e grotesca da realidade que busca satirizar ou criticar.

Moitas das súas obras teñen unha gran relevancia dentro da literatura española. Xeniais son obras dramáticas súas como Divinas palabras, Farsa y licencia de la reina castiza, ademais das Comedias bárbaras. As súas novelas máis coñecidas son Sonatas, Tirano Banderas e as triloxías La guerra carlista e El ruedo ibérico. Na súa obra poética cabe destacar Aromas de leyenda e La pipa de kif.