Praza de Fefiñans

SABÍAS QUE… a praza de Fefiñáns está composta polo Pazo de Fefiñáns, a igrexa de San Bieito, o arco-ponte e a atalaia-torre da homenaxe?

Este conxunto arquitectónico foi declarado en 2012 patrimonio histórico artístico.

A praza orixinal construíuse aberta, con vistas ao mar e con catro arcos-ponte que rodeaban un pazo en forma de “L”.

Antigamente este lugar coñecíase como a praza do Mercado, pois aquí tiña lugar este periodicamente.

O Pazo de Fefiñáns, de influencia renacentista italiana, foi construído entre o s. XVI e o s. XVIII. A súa construción foi iniciada por Juan Sarmiento, señor de Fefiñáns, e concluída polo seu sobriño, D. Gonzalo de Valladares, I vizconde de Fefiñáns. Finalmente foi transferido por vía matrimonial aos condes de Figueroa, familia que o conserva ata hoxe.

Destaca a súa torre ameada e os seus fermosos balcóns circulares, que lembran unhas maxestosas copas de albariño.
Na planta baixa do pazo atópanse dúas adegas, Joaquín Gil Armada e Palacio de Fefiñanes.